Fyribils uppihaldshjálp

Tú kanst søkja um fyribils uppihaldshjálp, um tú hevur verið fyri eini almannahending so sum sjúku, barnsburði, samlívssliti, vantandi arbeiðsmøguleikum ella øðrum broytingum, sum gera, at tú fyribils ikki er før/-ur fyri at uppihalda tær, tínum hjúnafelaga ella børnum undir 18 ár.

Fyribils uppihaldshjálp verður ikki veitt, um tú ella hjúnafelagi kunnu nøkta uppihaldstørvin á annan hátt eitt nú við ogn, inntøku, tryggingum ella øðrum útgjaldi. Tað vil siga, at tú skal hava troytt allar møguleikar fyri at hava inntøka, ið kann tryggja tær uppihald.

Kunna teg nærri um um treytir fyri veiting og áseting av fyribils uppihaldshjálp o.a. á heimasíðuni hjá Almannaverkinum.