Útreiðslur av sjúkuviðgerð o.l.

Hevur tú útreiðslur til sjúkraviðgerð so sum tannviðgerð, heilivág, fysioterapi, kiropraktorviðgerð ella líknandi, kanst tú fáa fíggjarligan stuðul til hesar útreiðslur.

Treytin er, at tú ikki hevur ráð til at gjalda útreiðsluna sjálvur uttan vanda fyri, at fíggjarstøðan hjá tær og familjuni, sum annars verður mett rímilig, fer av kós, og at útreiðslan ikki verður goldin av sjúkrakassa ella aðrari trygging. Tað er krav fyri stuðulsveiting, at viðgerðin er læknaliga grundað.

Stuðul verður einans veittur til útreiðslur, sum eru vanligar, og sum kunnu gjaldast av fólki við vanligum inntøkum. Meginreglan er, at tú eigur at søkja um stuðul, áðrenn tú bindir teg fyri útreiðsluni.

Kunna teg nærri á heimasíðuna hjá Almannaverkinum.

Snarslóð