Barnagjald og stuðul til uppihaldspening

Foreldur hava ábyrgd at uppihalda sínum børnum. Búgva foreldrini ikki saman, eigur tann, ið ikki hevur barnið búgvandi, at gjalda barnagjald til hin.

Barnagjald
Barnagjaldið skal ikki ikki blandast við barnafrádrátt ella barnaískoyti, ið eru almennar veitingar til familjur við børnum undir 18 ár. Tað er Familjufyrisitingin, ið ásetir barnagjaldið.

Almannastovan kann gjalda út barnapengar forskotsvís. Gjaldið verður kravt aftur frá tí foreldrapartinum, sum hevur gjaldsskyldu mótvegis barninum.

Stuðul til uppihaldspening
Hevur tað almenna álagt tær at gjalda barnagjald til barn undir 18 ár, kanst tú fáa 40% av gjaldinum aftur frá tí almenna. Stuðul verður tó bert veittur fyri goldnu upphæddina, sum fer upp um vanliga árliga gjaldið fyri eitt barn. Stuðul verður sostatt ikki veittur, um tú bert rindar vanligt barnagjald til eitt barn. Um tú t.d. rindar barnagjald til trý børn, verður ongin stuðul veittur fyri fyrsta barni, meðan 40% av gjaldinum fyri næsta- og triðja barni verður veitt.

Tað er Almannaverkið, ið umsitur stuðul til uppihaldspening.

Snarslóð