Serlig bútilboð til heimleys

Landsstýriskvinnan í almannamálum kann skipa ella góðkenna selig bútilboð til perónar við víttfevnandi sosialum trupulleikum, sum ikki eru førir fyri at útvega sær ella fasthalda ein varandi bústað.

Almannaverkið og sjálvbodnir felagsskapir samstarva um skipan av serligum bútilboðum. Almannaverkið avgreiðir umsóknirnar. Formligu krøvini eru at finna í kunngerð. Játtan um stuðul verður givin við grundarlagi í umsóknini og skal nýtast í stuðulsárinum. Stuðul verður goldin frammanundan mánaðarliga ella hvønn ársfjórðing eftir avtalu millum partarnar. Stuðul til serlig bútilboð kann ongantíð fara upp um kostnaðin av at reka hesi, tá ið gjøld fyri húsaleigu og onnur føst gjøld frá búfólkunum eru drigin frá.

Fyrstu árini vóru tvey bútilboð - Herberg Frelsunarhersins og Blái krossur - sum fingu stuðul, og frá 2018 er eitt triðja bútilboð stovnsett - Umsorganarheimið Gloria - sum eisini fær stuðul til sítt tilboð.