06.11.2020 · Almannamálaráðið

Kunngerðir sambært nýggju almannalógini til hoyringar

Kunngerðir sambært nýggju almannalógini til hoyringar

Fyrstu kunngerðirnar sambært nýggju lógini um almannatrygd og tænastur eru sendar til hoyringar.

Um ársskiftið kemur lóg um almannatrygd og tænastur í gildi, og í hesum sambandi er Almannamálaráðið farið undir tilgongdina at orða kunngerðir.

Tær fyrstu kunngerðirnar eru sendar til hoyringar og freistin at svara er 26. november.

Kunngerðirnar verða eisini lagdar á hoyringarportalin hjá landsstýrinum, har øll við áhuga kunnu koma við viðmerkingum.

Lóg um almannatrygd og tænastur, sum avloysir gomlu forsorgarlógina, varð einmælt samtykt í løgtinginum í vár, og kemur í gildi 1. januar 2021.

Uppskotini til nýggju kunngerðirnar síggjast her.