Røðan hjá Elsebeth Mercedis Gunnleygsdóttur í sambandi við altjóða dagur teirra, ið bera brek

Tað er so lætt at gloyma mein í annans bein. Vit skulu altíð minnast tey, sum hava serligan tørv. Eisini – og serliga -  tá vit leggja til rættis og skipa okkara samfelag. Vit skulu læra okkum at minnast tey,  tá vit byrja uppá almennar verkætlanir, og í øllum almennum virksemi annars. Vit eiga at minnast til, at forðingar skulu beinast av vegnum, soleiðis at vit øll á jøvnum føti kunnu virka og liva her.