Demokratia

Demokratia er ein nevnd, ið Løgtingið eftir tilmæli frá Útnorðurráðnum samtykti, at landsstýrismaðurin í javnstøðumálum skuldi seta fyri at økja um kvinnuleiklutin í politikki. 

Í nevndini er: Eitt umboð fyri hvønn flokk á Løgtingi, eitt umboð fyri Kommunufelagið, eitt umboð fyri Kvinnufelagasamskipan Føroya og eitt umboð fyri Javnstøðunevndina. Varaumboð verða vald fyri øll umboðini.

Nevndin hevur fingið sum bundnan arbeiðssetning at skipa fyri tvørpolitiskum tiltøkum til tess at økja um leiklutin hjá kvinnum í politiskum avgerðum, so talið á kvinnum á Løgtingi og í kommunustýrunum økist, og umboðanin samsvarar á leið við umboðanina í hinum Norðurlondum.

Nevndin arbeiðir fyri at fáa javnari kynsumboðan í politikki. Nevndin arbeiðir støðugt við at fremja hetta við tiltøkum, sum kunnu gera fólk varug við týdningin av, at bæði kynini eru umboðað, har politiskar avgerðir verða tiknar. Virksemið kann vera upplýsing, lýsingaátøk, undirvísing og útgáva av ymsum kunnandi tilfari.

Samband

Demokratia
c/o Almannamálaráðið
Eirargarður 2
100 Tórshavn

Teldupostadressa: demokratia@demokratia.fo

Heimasíða: www.demokratia.fo

Samskipari: Lív Patursson
Tlf. 734044

Nevndin
Joan Samuelsen fyri Fólkaflokkin
Maud Poulsen fyri Sambandsflokkin
Petur Martin Hansen fyri Javnaðarflokkin
Kristina Grý Berg fyri Tjóðveldi
Dorit Hansen fyri Framsók
Ólavur í Geil fyri Miðflokkin
Marna Jakobsen fyri Kvinnusamskipanina
Annfinnur Garðarlíð fyri Javnstøðunevndina
Anita Fuglø fyri Kommunufelagið